اجتماعية

ازاى بتحبى كل الناس وماتتعمليش مع الناس

ازاى الناس تثق فيكى وانتى ماتثقيش فيهم

ازاى الناس بتتكلم معاكى وانتى مش اجتماعية

ازاى ماتكونيش اجتماعية واى حد يكلمك تثقى فيه

لان انتى لما تثقى فى كل الناس الناس كلها هتثق فيك

انتى انسانة جامعية لازم تختلطى بالناس لازم تكونى اجتماعية

لازم الناس تعرفك هتواجهى الناس ازاى فى اى حاجة وانتى

مش متعاملة معاهم .

هذا هو موضوع الساحة ان اكون اجتماعية محسسنى انى انسانة معقدة مكتئبة

بتكره الا حوليها ما بتكلمش حد مغرورة بس انا مش كده

هو انا لازم اكون بكلم امة لا اله الا الله علشان اكون اجتماعية

لازم كل الا يعرفنى يكون عارف عنى كل حاجة

طب ما انا بكلم الناس بس حدود

وفيه ناس معينة ليها حدود بس مش اوى

وفيه شخصية مالهاش حدود هعوز انا اكتر من كده

يعنى عندى الاهل ربنا يخليهم لى عندى9 اصحاب تمام اوى

عندى صديقة زاى الفل

عندى ناس بتكلم معها تعارف دون التدخل فى شئون الاخرين فل اوى

عايزينى اعرف اكتر من كده ايه

ولا هو لازم طوب الارض يكون عارفنى

لازم اتدخل فى الا يلزمنى ولا مايلزمنيش

يعنى حاجة بسيطة جدا واحدة ماكنتش محجبة اتحجبت مالى انا

اتدخل فى شؤنها ليه واحدة اتنقبت مالى انا

هكون مبسوطة لها اه لكن ماحرجهاش دى حاجة خاصة بيها

وبعلقتها مع ربنا واحدة جت سلمت عليها وخلاص اتعرفنا عاملة ايه الحمد لله زاى اى

تعارف عادى لازم خلاص تبقى صحبتى واثق فيها لو متضايقة اروح اكلمها وعلى طول

بجد الموضوع ده انا اتخنقت منه ماعندش عايزة حد يقولى لازم تكونى اجتماعية اكتر من كده

لان انا شايفة الا انا فيه ده هو الصح وهو فعلا الصح يعنى يفيدنى بايه اكلم ناس كتير واعرف ناس كتير واتصدم فى ناس كتير

فيها ايه لما اعرف ناس على ادى ويكونوا اد الثقة بمعرفتى بيهم

بس خلاص خلصت الشحنة المكبوتة بداخلى